Schpass an d’r Freud

Do schteiht ene Imi an de Eck,

dä hätt sisch unger singer Pürk versteck,

en rude Pappnas vürre dran,

kohm hä jrad am Bahnhoff an,

kohm vun Hambursch mit de Bahn.

 

Hä will z’m Rusemohndachszoch,

hä hätt vum Tiewie-Fasteleer genoch.

Hä hätt sisch staats parat gemaat,

hätt och nit lang övverlaat,

und jeit d’rek z’m Aldermaat.

 

Hä hätt Spass an dr Freud,

weed hä och jet römjedeut,

joot gelaunt, Ärm in Ärm,

jo, do weedet em joot wärm.

 

Hä weed vun lings und rääs jepack,

jojo, m’r weiß, de Kölsche sin op Zack.

et weed jeschunkelt, hin un her,

dat määt mer esu em Fastelär -

du aale Fischkopp, kummens her.

 

E lecker Mädsche kütt janz noh.

Hä kritt e Büzje he, e Büzje doh,

un haak sisch en un is dobei,

et is eez nommiddaachs öm drei.

hä denk sisch: Morje han isch frei...

 

Hä hätt Spass an dr Freud,

weed hä och jet römjedeut,

joot gelaunt, Ärm in Ärm,

jo, do weedet em joot wärm.

 

Er hat Spaaß an der Froide,

ihn störn auch nich die vielen Loide,

und er nimmt froh gestimmt

sich ein Bier, wo Schaum drauf schwimmt.

 

Do kütt d'r Prinz - "Kamelle, flöck!!!"

Dä Imi hätt ald zwei - wat hätt hä Jlöck.

Hä böck sisch - un fääht Karussell –

"He, Lück, Momang, dat is ze schnell -

wie kütt dä he op dat Jestell...?"

 

Mer hilf em widder op de Bein.

Jojo, mir Kölsche lossen keine allein.

"Drink noch e Kölsch, drink eeine met.

Mer muß jrad nemme, wat mer kritt.

Kritt mer mieh - me weiß et nit..."

 

Hä hätt Spass an dr Freud,

weed hä och jet römjedeut,

joot gelaunt, Ärm in Ärm,

jo, do weedet em joot wärm.

 

Er hat Spaaß an der Froide,

ihn störn auch nich die vielen Loide,

und er nimmt froh gestimmt

sich ein Bier, wo Schaum drauf schwimmt.

 

Copyright  Mitte der 90er Jahre  Gerd Schinkel

 

Auch ein „fachkundig“ redigierter Text in „regionaler Sprache“. Ebenso wie das „Brillejestell“ war auch dieser Text zunächst in eine längst vorhandene, bekannte musikalische Schablonen gegossen, bis dann ein „künstlerischer Emanzipationsprozess“ einsetzte...